Horta e receitas de cociña

Ola! traio unhas fotos da horta que xa vai collendo xeito. Pulsa na imaxe para vela nun tamaño maior. Ceboletas, allos e cenorias As ceboletas, no plano medio, están moi bonitas e o cebolo que plantamos tamén (abaixo), pero só fará uns dez días que o plantamos. Os allos , na parte superior da imaxe, tamén están moi ben. Vense uns amorodos que trouxemos para renovar as plantas, algún tapados pola manta térmica que lla puxemos principalmente para que os paxaros non levantasen os chícharos. A dereita arriba vense a cenorias, que tamén naceron ben. Chícharos Os chícharos ( guisantes ) de este eito naceron ben e non os levantaron os paxaros porque os tapamos coa rede fina. Romeu unha foto do romeu que está todo florido, e xa as abellas traballan nel. Pexegueiros As árbores de froita de pedra tiveron estas semanas de bo tempo para ter unha boa floración e polinización. Este ano, se non hai froita de pedra, non será porque lle veu mal tempo nestas fechas. Patacas...

Torta de abelás (Larpeiros TVG 20/11/2018) En vídeo http://www.crtvg.es/tvg/a-carta/guiso-de-xoubas-e-torta-de-abelas-con-pexegos Aspecto da "miña" torta. Con cuberta de mazá. Ingredientes e Preparación para masa quebrada, base da torta . 200 gr. fariña pisco de sal 50 gr. de azucre 80 gr. de manteiga 1 ovo vaina de vainilla moi picadiña Peneiramos a fariña nun bol e engádimos a pisca de sal e os 50gr. de azucre. Batemos un ovo e engadímoslle a vainilla miudiña. Finalmente misturamos todo no bol xunto coa manteiga e amasamos cos dedos. Unha vez rematamos é recomendable metela unha media hora no frigorífico a repousar. para crema de abelás 125 gr de azucre 50gr fariña 2 ovos 200 ml leite 125gr abelás raiadura de limón pisquiño de canela para dar aroma ao leite Ponse o leite a lume suave nun cazo cunha pola de canela (só para aroma). Trituramos ben as abelás (tostadas), raiamos o limón. Batemos os dous ovos xunto co azucre. Botamos as abelás ...

Agora que chegou a chuvia e algo de frío, quitamos os poucos figos que aínda quedaban na figueira para intentar secalos e conservalos unhas semanas máis. Secado Córteinos pola metade e metinos no forno da cociña de ferro . Como en esta época do ano está acendida moitas horas aproveitase así tamén o calor para secar "cousas". O millo, figos, ... Figos secando no forno Pódelos secar nun forno eléctrico , poñendo unha temperatura suave (uns 80-100ºC) e deixalos durante horas ata que están secos. Enfariñado Pasados tres ou catro días (depende do lume que fagamos), cando xa se ven con un aspecto similar ao que teñen os que che venden nas tendas (encollen e enrrugan), metinos nunha bolsa e a través dun coador (para que non faga grumos) boteille un par de culleradas de fariña. Espolvorexeille ben e despois axitei-sansaniquei a bolsa para que a fariña se pegase ben ao figo. Tras varios días secando e pasalos por fariña Están moi ricos. Hai quen dí que mellor que fre...

a 11 de Agosto de 2018 A nosa horta En esta época do ano recollemos o froito do TRABALLO de tantos meses. Comento, por orde, as fotografías Colleita de cebolas extendidas e ao sol para que acaben de secar e poder enrestralas limpas. Como se plantan en varias semanas tamén se van colleitando durante varias semanas. Enrestrando as cebolas Restras de cebolas. De este xeito pódense colgar nun lugar fresco e ventilado para a súa conservación Detalle dos tomates (co sulfato de cobre) Cribo con #fabas. Puxemos a secar as plantas coas coitelas das fabas e estas xa están limpas e secas para gardar. Consérvanse todo o ano, pero a #fabada con fabas novas está moi rica!!! Tamén lles chamamos #herbellas. "Collóns de fraile", expresivo nome :D para este outro tipo de #cirola, semellante a #claudia (que xa recollemos as que nos deixaron as #nespras) Planta do #cabaciño (#calabacín) #courguette. Non se ven ben, pero colleitámolos con uns 25/30cm de longo pois producen moito e é...

Inspirada por Crujiente masa philo de espinacas y queso de cabra de Isabel (Frabisa) Na miña receita substituín as espinacas por grelos . Para cantidades e procedemento está moi ben explicado na receita de Frabisa , así que aquí só porei as fotografías así como as modificacións e particularidades que da miña elaboración. Aquí está na tixola o salteado de grelos, ceboliña, uvas pasas, etc. Untando as láminas de masa filo con ovo cada lámina forrando o seu cunco, repartimos o salteado Córtanse as rodaxiñas de queixo de cabra (un par) e xa está listo para ir ao forno, uns 10' (ate que se funda o queixo). Hai que ter coidado de que non se queime a masa filo, polo que se pode tapar con papel de aluminio para protexela pero que siga fundindo o queixo. E aquí o resultado final Un primeiro plato ben sabroso e doado de facer.

Este é o momento de grande actividade na horta. Nas últimas semanas estivemos plantando moitas verduras, preparando as árbores, coidando o terreo para botar o millo e as fabas, reparando o cerrado para que non veña o jabalí ou os cans estropear o traballo,... Maceiras en flor Abellón libando Máis bichería traballando Co calor e sol teñen moita facenda, coma os agricultores Flores da cerdeira uns regos de patacas, naceron ben espárragos Os xornaleiros plantando un pouco máis de cebolo. As rachas de carballo secando ao sol. Croquis coas diferentes verduras. As maceiras teñen moita flor, e as cerdeiras preséntanse ben (a ver si deixan algo os paxaros!!) pero o pexegueiro está ate os topes de pexeguiños pequenos (a metade caeranlle como é loxico) e probablemente este sexa ano de froito de pedra

Tarta de mascarpone, chocolate e fresas. Ver a receita de Frabisa  aqui, foi de donde intentei seguir os pasos para a miña tarta. Esta tarta é un pouco laboriosa (cal non!?) sobre todo si fas ti mesma o queixo mascarpone. Intentei seguir a receita do xeito máis exacto posible e só cambiei a decoración. Quedoume moi bonita! Tarta. A falta de frambuesas... boas son fresas e unha poliña de menta. E sabrosa! O queixo mascarpone quedou cremoso e suave. O borde co marmelo de laranxa e améndoa picada ten un sabor lixeiramente acedo que contrasta moi ben co chocolate e o queixo. Aquí vense as partes da tarta Esta receita hai que gardala! :D Copio e pego da web de Frabisa Ingredientes (molde de 24 cm.) Para la masa de galletas –  300 gr. de galletas (tipo, María o Digestive) – 80 gr. de mantequilla – 50 gr. de chocolate (*) Para el relleno – 500 gr. de mascarpone – 100 gr. de nata – 4 huevos – Ralladura de un limón – 1 yogur sin...