Publicacións

Mostrando publicacións coa etiqueta amorodo

Horta Marzo 2019

Imaxe
Ola! traio unhas fotos da horta que xa vai collendo xeito. Pulsa na imaxe para vela nun tamaño maior. Ceboletas, allos e cenorias As ceboletas, no plano medio, están moi bonitas e o cebolo que plantamos tamén (abaixo), pero só fará uns dez días que o plantamos. Os allos , na parte superior da imaxe, tamén están moi ben. Vense uns amorodos que trouxemos para renovar as plantas, algún tapados pola manta térmica que lla puxemos principalmente para que os paxaros non levantasen os chícharos. A dereita arriba vense a cenorias, que tamén naceron ben. Chícharos Os chícharos ( guisantes ) de este eito naceron ben e non os levantaron os paxaros porque os tapamos coa rede fina. Romeu unha foto do romeu que está todo florido, e xa as abellas traballan nel. Pexegueiros As árbores de froita de pedra tiveron estas semanas de bo tempo para ter unha boa floración e polinización. Este ano, se non hai froita de pedra, non será porque lle veu mal tempo nestas fechas. Patacas...

Niño do merlo

Imaxe
Un merlo aproveitou uns rastrollos e polas para facer o seu niño. O lugar está moi transitado, polo que debemos dar un rodeo para "non molestar" Merlo, da galipedia Aproveitando que non está na casa fíxenlle unhas fotos ao niño cos catro ovos. O niño fixoo con polas das tuyas, todas trenzadas. Catro ovos no niño. O lugar onde se meteu O peifoque xa marchou, e puidenlle facer unhas fotos ao niño. Fixo o niño no pallal, tamén nun sitio con moito tránsito e accesible. peifoque ( Rubecula familiaris Blyth) Chegaron tamén outros "paxaros", este está a coidar dos amorodos. Non son moitos, pero o marmelo parece que se presenta ben. Os pementos e tomates seguen a medrar e o cebolo é moi bo.

Algunha foto de Xaneiro

Imaxe
En esta época do ano comézase a traballar a terra, a preparala para ir plantando as verduras e hortalizas dentro de unhas semanas. Aquí van un par de fotos Os bancales cubertos con folla de carballo seca Están cubertos con folla para protexelos da xeada e que vai abonando a terra. O millo no "hórreo" No pallal da leña puxemos unhas cordas para colgar o millo Un par de enxertos, transplantados para dentro dun ano levalos a outro sitio mellor Se prenden ben os enxertos despóis haberá que buscarlle sitio a estas dúas pereiras. Amorodos, tamén coa folla de carballo Levamos un par de anos tapando as fresas con folla de carballo (tras limpalas ben e quitarlle as follas mortas e a maraña de "fillos" que lle saen) e séntalle moi ben. Quedalle o pe protexido do frío e despóis abona o terreo cara a primavera. Limóns xa maduros Hai uns meses estaba un pouco "triste", pero colleu forza e ten uns limón bonitos Uns par de regos de repolo ...

Fotos da horta o 4 de maio

Imaxe
Aquí van unhas fotos de tal como está agora a miña horta. Amorodos Pirixel amorodos moreira flor da moreira Cenorias Cereixas Cereixas Cebolo e leituga Amorodos Amrorodos en flor Espárragos Pirixel, ceboliño e tomiño Pereira Peras

Copa marmelo e mascarpone

Imaxe
Copa de mascarpone e marmelos de tempada (amoras e morotes) A estas alturas de setembro xa está rematando a que foi unha tempada ben boa de moras silvestres. Pola zona non escasean as silveiras (:P), así que en cuestión dun par de días puidemos facer uns cuantos botes de marmelo de moras: moras silvestres limpas, azucre, zume de limón e paciencia para macerar, cocer e pasar polo "chino" para quitar as sementes... e digo paciencia para non comer as moras todas antes!! Tamén quedan ainda morotes e algúns amorodos, así que aproveitamos para facer algo de marmelo con eles tamén (co mesmo procedemento). Unha vez disponible o marmelo, imos ao tema, esta copa, que é moi moi sinxela de preparar. Dificultade: baixa Calorías: metralla pura Sabroso: moito   Ingredientes: marmelo de amora marmelo de amorodos unha tarrina de mascarpone (ou requeixo ou similar, no seu defecto, aínda que a textura cremosa do mascarpone non che é comparable!) un bote pequeno (200ml) de ...